Գուրգաոնի Զարգացման Կենտրոն, Հնդկաստան

Գուրգաոնի Զարգացման Կենտրոն, Գուրգաոն, Հնդկաստան

Գուրգաոնի զարգացման կենտրոնը (Gurgaon Development Center) կամ Վիպրո ընկերության տեխնոլոգիաների զարգացման կենտրոնը Գուրգաոնում, որի հատակների ընդհանուր մակերեսը մոտ 14,864 քառակուսի մետր է, կառուցվել է ճարտարապետ Վիդուր Բհարդվայի նախագծով: Նոր էկոլոգիապես մաքուր շենքն արժանացել է LEED Պլատինե հավաստագրման և դարձել կայուն նախագծման ոլորտում նման հեղինակավոր գնահատականի արժանացած ամենախոշոր նախագիծն Ասիայում: Կենտրոնի կարևորագույն առանձնահատկությունը բակն է` այսպես կոչված «հավելի»-ով (Haveli): Վերջինս կլիմայի յուրահատուկ գեներատոր է, որի օգնությամբ հաջողվում է կրճատել էլեկտրականության սպառումը: Բացի այդ, լույսի և օդի ուղղորդման շնորհիվ հնարավոր է խնայել 46% էլեկտրականության վրա: Շենքը նախագծելու ընթացքում ճարտարապետը նաև օգտագործել է ազատ զովացման մեթոդն ու օդային զտիչներ, որոնց օգնությամբ հնարավոր է նույնպես էլեկտրաէներգիա խնայել: Տանիքը գրեթե ամբողջությամբ պատված է այգիներով (մոտ 82%): Շենքի աշխատողները վայելում են բարձրորակ ներքին պայմաններ, մաքուր օդ ու բնական լույս, քանի որ տարածքի ավելի քան 70%-ը ողողված է բնական՝ ցերեկային լույսով:

Հոդվածը Աստղիկ Աթաբեկյանի, www.building.am