Շուն-Հյուրանոց, Այդահո, ԱՄՆ

Անգլիական բիգլ ցեղատեսակի այս որսորդական շունն իր քոթոթի հետ միասին անշուշտ կորսա ձեր բոլորի հետաքրքիր հայացքներն, ու դուք ակամայից կհայտնվեք նրանց ջերմ գրկում՝ մուտք գործելով երկրորդ հարկից՝ արտաքին աստիճանով: Այնպես, ամուսիններ Դենիսն ու Ֆրենսիսը, որոնց ձեռքերով է կառուցվել այս հյուրանոցը, իրենց խորամանկ ու խելամիտ նախագծով համաշխարհային ճանաչում ու տեղաբնակների կողմից մեծ սեր և հարգանք ձեռք բերեցին: Այժմ Քոթնվուդի այս շուն-հյուրանոցը Այդահո նահանգի ամենահետաքրքիր տեսարժան վայրերից մեկն է հանդիսանում:

Ինքնուս արվեստագետ ամուսիններն միմիանց հանդիպելուց հետո, արդեն 20 տարի է ինչ համատեղում են իրենց ուժերը ավելի քան 60 շների փայտե քանդակներ կերտելու գործում մեխանիկական սղոցի օգնությամբ: Հենց արվեստի հանդեպ այդ մեծ սերն ու ձգտումն էլ նրանց կապում է հավիտյան: Ամուսինները ծախսում են մեկ ու կես տարի իրենց համատեղ աշխատանքի ամենամեծ նախագծի՝ Շուն-հյուրանոցի վրա (9մ բարձրությամբ), որը հանրության առաջ իր դռներն է բացում 1997թ-ին և դեռ շարունակում է գոհացնել ու զվարճացնել իր ընկերասեր շներով: Իսկ եթե դուք մեծ ցանկություն ունեք ձեռք բերել այլ փոքր շների հուշանվերներ, ինչպես նաև խոզուկների, արջուկների, եղնիկների, փիսիկների և ձկների փայտյա քանդակներ, ընտանեկան արվեստանոցի հավաքածուից, այդ հարցը նույնպես լուծված է. հյուրանոցն ունի խանութ-ցուցասրահ: Մի՛ մոռացեք, որ մեր բարի շունը միաժամանակ կարող է հյուրընկալել մինչև չորս հոգի, իսկ գիշերելը այս հյուրանոցում կարժենա 92 ԱՄՆ դոլար:

Հոդվածը Լիլիթ Խալաթյանի, www.building.am