Պարող տուն, Պրահա, Չեխիա

«Պարող տունը» կառուցվել է 1994-1996 թվականներին: Շենքը նախագծել են ճարտարապետներ Վլադո Միլունիչը՝ ծագմամբ խորվաթ չեխ և կանադացի Ֆրենկ Գերին: Ասում են, թե շենքի կառուցման գաղափարը պատկանել է Վացլավ Հավելին, և նա անձամբ վերահսկել է շինարարության ընթացքը: Ի սկզբանե կառույցի գաղափարի հիմքում ընկած էր պարող զույգը՝ Ֆրեդը (աջից) և Ջինջերը (ձախից), ու շենքը հենց այսպես էլ կոչվեց. «Պարող տուն»: Իսկապես, գաղափարը հաջողվել է և շնորհիվ կառույցի ոլորված և սանձարձակ ուրվագծերի մենք զգում ենք պարող զույգին: