Սվետա Պետկա Սամարջիյսկա Եկեղեցի, Բուլղարիա

Սվետա Պետկա Սամարջիյսկա Եկեղեցի, Սոֆիա, Բուլղարիա

Սվետա Պետկա Սամարջիյսկա մատուռը (St. Petka of the Saddlers; Sveta Petka Samardjiiska) տեղակայված է Սոֆիայի կենտրոնում: Այս փոքրիկ եկեղեցին կառուցվել է XI դարում ( ըստ այլ աղբյուրների XIV դարում) նախկին IV դարի հռոմեական կրոնական շինության տեղում: Եկեղեցին կառուցվել է բուլղարացի կին սրբի` Սուրբ Պետկայի պատվին: Պատերն ունեն 1 մետր հաստություն և կառուցված են աղյուսից և քարից: Եթե եկեղեցու արտաքին տեսքը չափազանց համեստ է, ապա ներքին ձևավորումը ցնցում է XIV- XIX դարերի վառ որմնանկարներով, որոնք պատկերում են դրվագներ Նոր Կտակարանից: Չնայած որ այսօր որմնանկարները կորցրել են նախկին վառ գույները, նկարազարդումները պատկերացում են տալիս, թե ինչպիսի հավատարմությամբ էին ուղղափառ եկեղեցու հետևորդները պահպանում իրենց հավատքը Օսմանյան լծի տակ:

Կողքի մայթից երևում է միայն մատուռի կղմինդրե ծածկը, որն օծված է փալանչիների հովանավոր`Սուրբ Պետրոսի պատվին (այստեղից էլ ծագել է անվանման հավելումը՝ Самарджийска; Saddlers):

Վարկածներից մեկի համաձայն Բուլղարիայի ազգային հերոս Վասիլ Լևսկին թաղվել է այս եկեղեցում: Այս հարցի շուրջ տարաձայնությունները և քննարկումները շարունակվում են մինչ օրս:

Եկեղեցուն կարելի է մոտենալ Անկախության հրապարակի անցումով և դուրս գալ այն տեղում, որտեղ այն հատվում է Սվետա Նեդելյա հրապարակին:

Սվետա Նեդելյա հրապարակ: Բաց է 07:00-19:00: Մուտքը վճարովի է:

Հոդվածը Լիլիթ Վանեսյանի, www.building.am