Շրջակա Միջ. Պաշտպանության Գրասենյակ, ԱՄՆ

Շրջակա Միջավայրի Պաշտպանության Գրասենյակ, Սակրամենտո, ԱՄՆ
Սակրամենտոյի սրտում գտնվող Կալիֆորնիայի Շրջակա միջավայրի պաշտպանության գործակալության գլխավոր գրասենյակը էներգախնայող շենք է, էկոլոգիապես մաքուր դիզայնի ու կայուն շինարարական մեթոդների մարմնավորում: 25-հարկանի համալիրը կառուցվել է «Թոմաս Փրոփըրթիս Գրուփ» (Thomas Properties Group) ընկերության կողմից: 2004 թվականին շենքն արժանացել է LEED պլատինե հավաստագրման` «Գոյություն ունեցող շենքեր» անվանակարգում: Պետական գրասենյակային շենքի ճարտարապետը «Էյ-Սի Մարթին Փարթնըրս» (AC Martin Partners) ընկերությունն է: Նախագծի արժեքը կազմել է 270 միլիոն դոլար: Շենքը շրջապատված է տեղական երաշտադիմացկուն բույսերով: Ջրի օգտագործումը կրճատվել է 20-50%-ով` շնորհիվ զուգարաններում տեղադրված թույլ հոսքով ծորակների: Շենքում խնայվում է ավելի քան 30% էլեկտրաէներգիա` տանիքի վրա տեղադրված ֆոտոէլեկտրական պանելների և լուսավորության արդյունավետ համակարգի շնորհիվ: Համալիրը լի է բնական ցերեկային լույսով: Օդորակումը կատարվում է 25 հարկերից յուրաքանչյուրում գտնվող հատուկ սենյակների միջոցով, որոնք օդը ներս են թողնում շենք: Շենքի հեղինակները խրախուսում են երթևեկության այլընտրանքային միջոցները, ինչպիսիք են զբոսանքը կամ հեծանիվները:

Հոդվածը Աստղիկ Աթաբեկյանի, www.building.am