Գրադարան Բրոնքսում, Նյու Յորք, ԱՄՆ

Բրոնքսում (Նյու Յորք) գտնվող Նյու Յորքի հանրային գրադարանի (New York Public Library) մասնաճյուղի շինարարությունն ավարտվեց 2006 թվականի հունվարին, իսկ նույն տարվա հուլիսին շենքն արժանացավ LEED արծաթե հավաստագրման: Այս հինգհարկանի շինությունը, որը զբաղեցնում է մոտ 7246 մ² տարածք, փոխարինեց Ֆորդհեմի համալսարանային գրադարանի նախկին մասնաճյուղը: Դեթներ Արքիթեքսթ (Dattner Architects) ընկերության կողմից նախագծված շենքի կառուցումն արժեցավ 53 միլիոն դոլար: Շինությունը հիշեցնում է հսկայական գրախանութ` ապակե ճակատով, և ներառում է ընթերցասրահներ, հանդիպումների սրահներ և այլն: Սենսորները լույսը միացնում են միայն այն ժամանակ, երբ սենյակներում այցելուներ կան: Էլեկտրաէներգիայի ծախսերը կրճատվում են 20%-ով` շնորհիվ տանիքի, որն արտացոլում է արևի ճառագայթները, ինչպես նաև օդափոխության համակարգի, որը թույլ է տալիս օգտագործել թարմ օդ` շենքը հովացնելու համար: Շինարարական թափոնների 90%-ը վերամշակվել են և կրկնակի օգտագործվել: Յուրաքանչյուր հարկ ձևավորված է` որպես ուղղանկյուն տարածք: Շենքի կրող կարկասը պողպատից է, իսկ ճակատը գերազանցապես պատված է բարձրորակ՝ էներգախնայող ապակով, որի երկայնքով տեղակայված են ընթերցասրահները: Ընթերցասրահների այս դիրքը հնարավորություն է տալիս լրացուցիչ խնայել էլեկտրաէներգիա ցերեկային ժամերին: Բրոնքսի գրադարանի կենտրոնը համարվում է շրջակա միջավայրի համար պատասխանատու հանրային շենքի վառ օրինակ: Որպես շինարարության գլխավոր կապալառու հանդես է եկել Էֆ Ջեյ Սկայամ Քընսթրաքշըն-ը (F.J.Sciame Construction Co):

Հոդվածը Աստղիկ Աթաբեկյանի, www.biulding.am

Photos: Joyce Dopkeen/The New York Times ; https://www.schueco.com